Moti i keq në Ankara shkakton përmbytje

15:50 | 5 Maj 2018
Arbresh.info

Moti i keq i shoqëruar me shira të rrëmbyeshëm ka përfshirë Ankaranë në orët e pasdites së sotme, duke shkaktuar përmbytje në të cilat janë shkatërruar dhjetëra automjete, raporton Anadolu Agency (AA).

Siç njofton gazetari i AA-së, moti i keq ka paralizuar jetën e qytetarëve të kryeqendrës turke, ku më së rëndi është prekur lagja Mamak, ku uji mori me vete automjetet e parkuara.

Për pasojë, mbetën të shkatërruara dhjetëra automjete, ndërsa shumë automjete pësuan dëmtime të konsiderueshme.

Ekipet e Mbrojtjes Civile kanë dalë në terren për të ndihmuar të prekurit nga përmbytjet.

Uji ka përmbytur edhe shumë hapësira biznesi në atë pjesë të kryeqytetit të Turqisë, pasi siç rrëfen shtetasi Fatih Erdogan, uji është shfaqur papritur.

“Uji mori me vete automjete dhe shkatërroi edhe hapësira biznesi”, tha Fatih.

Shpërndaje në rrjete sociale

Lajmet më të lexuara

Të ngjashme

Foto lajm